رشا شربتجي توضح سبب تسمية شوق بهذا الاسم وتقول:الحرب لن تنتهي وشام ستكمل الطريق..

صاحبة الجلالة _متابعة محمد درويش

بعد ردود الفعل الكثيرة التي حصل عليها مسلسل شوق في شهر رمضان ومازال حتى الآن يتصدر قائمة افضل الاعمال الدرامية لكونه عمل متكامل من كافة الجوانب ويحكي قصص واوجاع تسكن قلوب الكثيرين .خرجت المخرجة السورية رشا شربتجي عن صمتها وتحدثت عن العمل وماحمل معه ..

وكتبت شربتجي منشورا على صفحتها الرسمية عبر موقع التواصل الاجتماعي فيسبوك قالت به:

حبايبي...بعد ما انتهى شوق ... سامحوني وجعتكن كتير بس حابة خبركن انو الوجع بيمسنا كلنا... و بتنويه لاسم المسلسل بعد ما كتار منكم سأل حابة وضح انو

شوق هي سوريا المريضة ..الموجوعة و واجعة كل الناس حواليها ...هو الشوق و الحنين للذكريات الجميلة و للماضي الحلو اللي عشناه كلنا بوطنا.. بسوريا الغالية ع قلوب الكل .. شوق هو شوق كل الشخصيات لسوريا الامان .. سوريا المحبة.. للحبيب .. للوطن ... يمكن سوريه تعبت ... يمكن مرضت... بس الأمل موجود ... الجيل الجاية هو الامل .. رح يعمرها و يرجعها من جديد ان شاء الله... يمكن نحنا اتوجعنا و مات بقلبنا شغلات كتير... بس الجاية انشاء الله رح يكون احسن... بالنسبة لنهاية قصة روز .. الحرب لسا ما خلصت و في مئات المخطوفين ، "روز" مثال مصغر رح ننطرن و الامل ما رح يموت و رح يرجعوا انشاء الله... و انا بوقت تصوير مشاهد كتيرة زعلت معكن وبكيت كمان .. بس شوق جابت شام الصغيرة و هي رح تكمل من بعدها ... بتشكر محبتكم و كلامكم الحلو من قلبي و بقدر زعلكم ووجعكم و دموعكم مع شخصيات حبيتوها و صارت لحم و دم و صدقتوها و تفاعلتو مع أوجاعها و بمشاعركم الصادقة... انا بكمل .. و بتكون مسؤوليتي باختيار القادم اصعب لضل محافظة على هالثقة و هالمحبة ... محبتي الكن جميعا فردا فردا و شكر كبير من القلب ..

فمسلسل شوق تكلم عن عدة حالات من الحرب السورية التي نعيشها وتكلم عن احوال المخطوفين وكيف تتم معاملتهم وعن الحب في زمن الحرب واكد العمل ان في زمن الحربلا يمكن ان نكتب النهاية...

لكن سيكتب التاريخ ان ماكينة الحرب ...لا تطحن سوا الابرياء ... وهذا ماختم به العمل .

يذكر ان مسلسل شوق من سيناريو وحوار حازم سليمان واخراج رشا شربتجي وبطولة كل من سوزان نجم الدين وباسم ياخور ونسرين طافش وامارات رزق ومنى واصف وروزينا لاذقاني ومحمد الاحمد والعديد...