بين تقنين الكهرباء وفساد موظفي المياه.. "الوضع بيقرف" أهالي منطقة بناية الكويتي وضاحية 8 آذار يشتكون قلة المياه

صاحبة_الجلالة _ بريد الصفحة

وردت إلى بريد الصفحة شكوى من أهالي منطقة بناية الكويتي وضاحية 8 آذار يشتكون فيها قلة المياه وفساد موظفي المياه وجشع اصحاب الصهاريج والساعات الطويلة لانقطاع التيار الكهربائي :

نحنا سكان منطقة بناية الكويتي وضاحية 8 آذار عم نعاني من انقطاع المياه بشكل فظيع من شهرين واكتر ماقدرنا نعبي مي بالخزانات يادوب تجي من يوم لتاني يوم وعم تكون ضعيفة والكهربا ساعة ونص فقط لاغير ...غير الانقطاعات المتكررة بهالساعة ونص.. واذا حكينا موظف المي يا اما بقول جيبو مولدات يا اما مافي كهربا وفي حال اخد مصاري بتبقى المي يومين زيادة وبضخها منيح ...طبعا بياخد من الحارة كاملة...

حتى صهاريج المياه صارت غالية ومابعبو مي لاغلب الحارات بحجة انو الحارات صغيرة وما بيحسن يفوت الصهريج علما قبل كانوا يدخلوا ع نفس الحارات...والله أعلم من وين صهاريج عم تعبي. ..

الرجاء مساعدتنا لحل هالمشكلة لان كل شي مقبول الا انقطاع المياه خصوصا بالصيف الوضع صعب ومقرف حرفيا... ومشكورين ع جهودكم