فواز خيو يكتب.. المسؤولون .. وبقرة معلمو لأكرم
السبت 16-02-2019
- نشر 6 سنة
- 1991 قراءة
نشر الصحفي فواز خيو على صفحته الشخصية على الفيسبوك معلومات جديدة عن "بقرة معلمو لأكرم" التي ذاع صيتها في مسلسل الخربة... حيث قال :
ما حدا بيعرف انو بقرة معلمو لأكرم اللي انشهرت بالخربة هي بقرتنا . كانت لأهلي وباعوها على ذكير وبعد شهر إجو جماعة المسلسل ولاقو فيها شخصية مهمة . الحياة فرص ، عشرين سنة بالرضيمة ما إجتها فرصة حقيقية . حدا منكن شافها تباهت بحالها مع انها انشهرت أكثر من جوهر وكل العقائديين ؟ لو الأحزاب وعناصر الأحزاب بيعملو مثلها وبيلزمو الصمت وبس . كل شي بعالمنا هش . يعني اللي بيطلع عالتلفزيون مهم . غريب ، حتى مسؤولين بيطلعو عالتلفزيون . بالغرب ما في شي مهم غير المهم بس . حتى أنا ما عدت قابلتها لأسألها عن رضاها على الدور تبعها ، ولا هي حكت . حسيت عندها امتلاء نفسي وما في عقد . اللي أهم من البقرة كان جوهر . الجواهر وخواؤهن وعقدهن من القيادة والمسؤولين والمناصب . بكل مناحي حياتنا في جوهر وجواهر . الخواء اللي لازم يتعبا بكل شي . لهيك بعد كل شي بحس انو الكاس هو المجد الحقيقي ، وأحيان تضرب راسك بالحيط . لا تفكرو عبحكي وببالغ . والله حالة الخواء اللي عبشوفها بكثر ناس شي مرض حقيقي . البعض لو على خازوق لازم يرتفع وتشوفو الناس .. أهم شي لما نشرت صورتي بالفروة صار يجيني نواعي . واحيان الهاتف برن عند الفجر ليخبروني انو فلان من قرية كذا توفى والموقف الساعة كذا . برجع بنام وبفيق بعد الموقف . مرة لما كنت ساكن بالشام اتصل أخي وخبرني : توفت خالتك فلانة . قلتلو : ليش بعدها عايشة ؟ البعض فرصتو الذهبية يحضر العزا ويشهد ويعظم بالمتوفي وما بيعرفو . المهم تشوفو الناس . أنا بضطر روح عزي احيانا ، وبتصدف شغلة بحكي كلمة بينسو حزنهن وبينفجرو بالضحك . بخاطرنا عندكنأخبار ذات صلة
دمشق تحصل على 400 ألف ليتر مازوت والحاجة 700 ألف ليتر وتتزود بـ600 ألف ليتر بنزين وحاجتها مليون ليتر
مصدر رسمي : ورود شحنة جديدة من الغاز.. والمواطن سيلمس تحسناً واضحاً قريباً
كيلو الشاورما ما بين 175 ألفاً و225 ألفاً وتسعيرة التموين 133 ألف ليرة! … رغم انخفاض أسعار الفروج إلا أن الشاورما بقيت في العالي
.. صافي ربح سيخ الشاورما ممكن أن يصل إلى 53 مليون ليرة شهرياً
وزير السياحة : قانون جديد لاتحاد غرف السياحة تحت قبة «الشعب» قريباً ..
التشريعات الصادرة تطور من آليات العمل السياحي
المركزي للمصارف: تأكدوا من تغذية الحسابات (الإلكترونية) قبل استصدار شيك تمويل المستوردات …
الحلاق : إثارة الانتباه لحالات يحدث فيها خلل من جهة سحب التغذية من حساب تمويل المستوردات
وداعاً للصاقات.. (QR) لحماية الشهادات الجامعية اعتباراً من اليوم …
رئيس جامعة : 35 ألف طالب يتخرج سنوياً … الآلية الجديدة بمستوى أمان أعلى وتوفر سنوياً نصف مليار ليرة
