مالذي يجري ؟؟ امتحان "الرواية الإنكليزية الحديثة" يثير البلبة ..و اتصال من جهات جامعية عليا مع أمينة السر لتغيير الوقائع
الخميس 19-07-2018
- نشر 7 سنة
- 5654 قراءة
صاحبة الجلالة_متابعة
وسط صخب فيسبوكي اضطر الدكتور مالك سلمان في جامعة تشرين بـ كلية الآداب والعلوم الإنسانية... قسم اللغة الإنكليزية وآدابها الى سرد تفاصيل على صفحته الشخصية <فيس بوك> لربما قد تكون للمرة الأولى التي تخرج الى العلن فيها هكذا قصص وان كانت صاحبة الجلالة ستنقلها كما وردت على صفحته دون أي تغيير ولنوافيكم بالتفاصيل لاحقاً حول حقيقة ما جرى لكن بعد سرد ما نشره الدكتور على مدونته الشخصية حيث قال ..
"الواقعة كما وقعت ..
تفاجأت مبارح المسا واليوم بإسمي مطروش ع صفحات التواصل الاجتماعي كافة مع أخبار مفبركة وكاذبة تتعلق بإشكال إمتحاني حصل مع طالبة من يومين .. ولأن إسمي وسمعتي .. وسمعة أي أستاذ جامعي آخر .. مانون مادة للعلاك التافه والتشويه المبتذل والملفق .. شفت من حقي وواجبي إني أسرد تفاصيل الحادثة .. كما جرت ...
يوم الإثنين (2018/07/16) كان امتحان مادتي "الرواية الإنكليزية الحديثة" لطلاب السنة الرابعة .. وبنفس التوقيت كان عندي أيضاً مراقبة امتحانية. أثناء الإمتحان بتطلب مني زميلة مكلفة برئاسة القاعة المجاورة للقاعة يللي عم راقب فيها أدخل ع القاعة للإجابة على سؤال أحد الطلاب .. وهو حق قانوني يتمتع به أستاذ المادة في حال طلب طالب أو أكثر الاستفسار عن شيء يتعلق بالامتحان. دخلت ع القاعة وأجبت ع إستفسار الطالب وأنا وطالع من القاعة بيلفت نظري دفتر طالبة في غاية الترتيب .. ألقيت نظرة سريعة ع الدفتر فلفت انتباهي شي غريب: الطالبة عم تعيد كتابة السؤال بشكل مكرر ومتواتر بصيغة إجابة .. يعني باختصار عم تغشني وتوهمني .. بصفتي أستاذ المادة .. أنو هي المقالة إجابة ع السؤال الأول. سألت الطالبة باللغة الإنكليزية أنو شو عم تعملي أنتي .. وكررت السؤال .. والطالبة لا تجيب .. حسيت للحظة أنو الطالبة (المستنفذة) ما عم تفهم إنكليزي .. قلت بحكيها بالعربي .. لكن الطالبة لم تقدم أي تفسير لما تفعله .. قلتلا: ولك يا آنسة ما عيب هل عم تعمليه .. عم تغشي أستاذك .. مين قلك نحنا ما منقرا دفاتر الطلاب أو منقيس بالشبر ؟! بعدين توجهت بحديثي للطلاب بالقاعة ونبهتون من هيك سلوك وانو اي طالب بيعمل هيك بدو يتعاقب .. الطالبة صارت تتوتر وعلي صوتها وقالتلي إنها مارح تسكت عن الموضوع وبدها تشتكي عليي .. انزعجت من سلوك الطالبة وقلتلا: ما حاجة عم تغشي بالامتحان ولسا عم تصرخي بوجهي وتهدديني .. انتي وحدة قليلة أدب وقليلة تهذيب! وقت زميلتي شافتني انفعلت وشافت أنو سلوك الطالبة سيء طلبت مني بتهذيب غادر القاعة .. وهذا ما حصل . بعد شوية شفت الطالبة عم تعيط ع الدكتورة بالكوريدور وتهدد ... انتهى الموضوع هون يوم الإثنين .. وهي حادثة أقرب إلى الروتين اليومي بفترة الامتحانات ...
يوم الثلاثاء وأثناء المراقبة بتتلقى زميلتي اتصالات ع الموبايل من جهات في الجامعة وبيسألوها كيف بتسمحي للدكتور مالك يفوت ع قاعتك ويشتم الطالبة ويقلا "يا قحبة" ويقول للطالبات بالقاعة "بدي أعمل وأترك فيكن" .. الدكتورة تفاجأت بالكلام ونفت ان يكون هذا الكلام قد قيل في القاعة .. فتم تكذيبها وتلقت توبيخاً بمعنى "ليش عم تدافعي عن مالك سلمان؟ ونحنا عنا معلومات غير هيك من أمينة السر يللي كانت بالقاعة ... " لدى سؤالنا لأمينة السر أنكرت أنها نقلت هكذا كلام لأي جهة كانت لأن هذا الكلام لم يقل .. بعد قليل فوجئنا بحركة غير طبيعية في القسم والكلية .. أمن .. وأمن جامعة .. والدنيا قايمة قاعدة .. فزعة يعني .. أنو مين هاد الدكتور بالإنكليزي يللي فايت ع القاعة وضارب طالبة؟ مين هاد الدكتور يللي عم يدخل أجوبة لطالبة ع قاعة الامتحان؟ مين هاد الدكتور يللي عم يسب ع الطالبات ويقلن "انتو شراميط وقحبات"؟ .. ... ...
تكرر الاتصال مع الزميلة الدكتورة: "ليش عم تدافعي عن الدكتور مالك .. وع كل حال رح يتم توقيفك انتي وياه عن التدريس وتنحالو ع التحقيق .. افصلي موضوعك عن موضوعو وحاجة تدافعي عنو " .. بمعنى قولي أنو شتم الطالبة ومنحل عنك ...
اليوم أنا وعم راقب طلاب سنة رابعة .. بتجي لعندي طالبة بعد ما خلصت امتحان ع باب القاعة و بتطلب تحكي معي. قالتلي: اليوم استدعونا ع الهيئة الإدارية/اتحاد الطلاب .. كل الطلاب يللي كانو بالقاعة .. وسألونا شو صار واحكينالون متل ماصار بالضبط .. بس هنن أصرو إنك أنت استخدمت ألفاظ وشتائم بذيئة .. وبعدين طلبو من كل الطلاب يوقعو على ورقة وهددونا يجيبولنا الشرطة إذا ما منوقع .. وكلنا وقعنا ع ورقة ما منعرف شو مكتوب فيها ... كانت الطالبة عم ترجف هيي وعم تحكيلي .. وبعدين صارت تبكي وقالتلي: نحنا كأنو وقعنا ع شي ضدك ما صاير ومامنعرف شو هوي؟ قلتلا: إي يا آنسة .. يبدو هيك .. وانا ما متوقع منكون أحسن من هيك ولا طالب منكون أحسن من هيك ... وصرفتا ...
الملفت بالموضوع .. مع نهاية هاد اليوم .. أنو الطالبة يللي صارت معها المشكلة بالقاعة .. لم تذكر في شكواها الكتابية أياً من الاتهامات التي تم توجيهها إلي وذكرت الحادثة كما حصلت .. باستثناء عبارة واحدة يبدو أنو تم الضغط عليها لكتابتها "وقللي خرايي عليكي" ... كمان الموظفة أمينة السر لم تذكر في الاستجواب الكتابي إلا ما حصل فقط ...
السؤال: من أين جاءت الاتهامات كلها .. كلمات مثل "قحبة" و "شرموطة" وضرب الطالبة بالقاعة وتدخيل أجوبة لطالبة ع القاعة ... إلخ .. ويللي تناقلتا اليوم صفحات شبكة أخبار اللاذقية .. وطرطوس .. وقرقفتي ... ههههههه
هذا ما حصل تماماً وعلى كامل مسؤوليتي الأخلاقية ..
ويحق لي أن أتساءل: من يحرك هذه الحملة المسعورة ضدي في الجامعة .. ولماذا .. ولمصلحة من ؟؟؟!!!"
أخبار ذات صلة
دمشق تحصل على 400 ألف ليتر مازوت والحاجة 700 ألف ليتر وتتزود بـ600 ألف ليتر بنزين وحاجتها مليون ليتر
مصدر رسمي : ورود شحنة جديدة من الغاز.. والمواطن سيلمس تحسناً واضحاً قريباً
كيلو الشاورما ما بين 175 ألفاً و225 ألفاً وتسعيرة التموين 133 ألف ليرة! … رغم انخفاض أسعار الفروج إلا أن الشاورما بقيت في العالي
.. صافي ربح سيخ الشاورما ممكن أن يصل إلى 53 مليون ليرة شهرياً
وزير السياحة : قانون جديد لاتحاد غرف السياحة تحت قبة «الشعب» قريباً ..
التشريعات الصادرة تطور من آليات العمل السياحي
المركزي للمصارف: تأكدوا من تغذية الحسابات (الإلكترونية) قبل استصدار شيك تمويل المستوردات …
الحلاق : إثارة الانتباه لحالات يحدث فيها خلل من جهة سحب التغذية من حساب تمويل المستوردات
وداعاً للصاقات.. (QR) لحماية الشهادات الجامعية اعتباراً من اليوم …
رئيس جامعة : 35 ألف طالب يتخرج سنوياً … الآلية الجديدة بمستوى أمان أعلى وتوفر سنوياً نصف مليار ليرة
