الكاتبة نور شيشكلي غاضبة من قناة سما

نشرت الكاتبة السورية نور شيشكلي على صفحتها الخاصة على الفيس بوك منشور تضمن معاتبه لقناة سما فكتبت: قناة سما الفضائية .. أخطاء بالجملة مرقناها .. قناة تبث فضائيا اي انها صورة لسوريا في الخارج بكل ماتقدمه من برامج غير صالحة للاستهلاك البشري كمان مرقناها .. تصدير برنامج لمحمود الحمش كمان مرقناها وقلنا متل العادة اسباب خاصة لاعلاقة لنا بها .. تقارير غريبة عجيبة معدها لاعلاقة له بشي كمان قلنا بتصير .. عادي يعني .. بيعرضوا مسلسل ايام الدراسة وبيحطوا ع الشريط يلي تحته نعرض الان لكم مسلسل اشواك ناعمة قلنا عادي بتصير ويمكن يلي عم يكتب الشريط ماكلف خاطره انه يحضر شارة المسلسل ويتأكد من اسمه .. اخطاء واخطاء واخطاء جعلتنا نتوقف عن العد .. والمتابعة .. صدفة جعلتني امر على تلك المحطة واذا بهم يعرضون بروموشن لمذكرات عشيقة سابقة .. انتظرت ان ارى ما الذي سيحصل .. طلع تقرير .. اعده فلان وقدمته فلانة على محطتنا الفضائية التي تحمل البصمة السورية .. عم يعبوا بهالتقرير الهوا الفاضي بالمحطة كونه محمود الحمش ماعم يبث عندهم غير مرة بالاسبوع .. وبالتقرير طلع معهم انه مسلسل مذكرات عشيقة سابقة مأخوذ بكامله عن مسلسل الهيبة ... ماعلينا كلنا بيعرف قصة الهيبة وجبل تاجر السلاح يلي اتزوج زوجة اخيه المتوفى وحكايا الهيبة وشخصياتها .. وبيعرفوا هدى وهنادي بمذكرات عشيقة سابقة نساء الحرب السورية الذين بقين على قيد الانتظار وعابد الصراف المحامي الذي امتهن الحرب فكان وسيط بين كل الاطراف .. وديانا النجمة التي اطاحت بعرش شهرتها من اجل عشيقها باسل ... ماعلينا ... لسنا بصدد المقارنة الان ... بس يلي اعد المقال وتشدق علينا به ما انتبه انه العمل انكتب واتصور وانعرض قبل مايفوتوا اصلا تصوير الهيبة .. من كم يوم التقيت ع الغداء انا والصديق المخرج سامر برقاوي.. ماحدا فينا كان مكتشف هالاكتشاف العظيم يلي اعده معد هذا التقرير العظيم السؤال يلي بيطرح نفسه بهيك لحظة ... من انتم ؟؟؟ فرصة من تأخذون وانتم بهذا المكان يلي مابتستحقوه ؟؟ معقول مافي بالبلد كوادر اعلامية حقيقية مدربة .. خاصة انه عم يعرضوا فضااااااائي .. معقول يلي بيعدوا هيك تقارير مو سمعانين بشي اسمه عمه غوغل .. هادا محرك بحث اذا كنت كتييير كسلان وماعندك اي معلومة عن اي شي بكبسة زر وحدة بيجبلك خبره لاي شي عم تسال عنه .. #أخطاء_بالجملة #اصلا_عادي #عمو_غوغل_ارجعوله_بيفيدكم #اللهم_لا_اسألك_رد_القضاء