مبادرة سورية في رمضان.. تسديد دين او عفو عن دين

صاحبة الجلالة_متابعة كتبت الدكتورة نسرين زريق عبر مدونتها الشخصية فيسبوك مبادرة سورية لشهر رمضان المبارك فكتبت .."رمضان هاد مابقترح سلل غذائية ولا هدايا اكل وعزائم للاقرباء .. خلينا نعمل شيء مختلف يخص الديون .. اي نعم .. كل شخص فينا له دين عند حدا .. يعفيه لوجه رب كريم .. ربي هو كل حسن الظن .. يعفي شخص واحد ولو بجزء من دين .. عسى الله يعفي عننا .. نحنا ماعدنا بزمن المجاعة .. نحنا بزمن الخنقة المادية.. الغني والفقير الكل متشابك بسلسلة استدانة .. جزء صغير توفي عن حدا دينه للاخرين.. او تعفي عن دين الك عند حدا بتعرفه مختنق ماليا .. هالفترة .. جمالها هالفترة.. بذروة اختناقك واختناقه تكون من العافين عن الناس .. عساكم من بالغي رمضان .. اللهم بلغهم رمضان وشوال لا فاقدين ولا مفقودين .. آمين يلي حب الفكرة ينسخها و بإسمه .. ويبتدي فيها من نفسه .. من قريب له فقير بيقدر يوفي عنه ولو جزء من دين للناس .."