كتبت إحدى الصفحات السورية على الفيسبوك المهتمة بأمور الحياة المختلفة في سورية منشورا تتحدث فيه عن ممثلة سورية وقد كتب النص باللهجة السورية وجاء فيه :
“هاد ممثل هاد فنان معه مصاري بيدفع موفارقة معه !! هي الصورة او الفكرة المكونة لدى الجميع بمجتمعنا بس بالنهاية الممثل أو الفنان هو عبارة عن انسان متلنا متله بيمرق بظروف مالية صعبة أحيانا وأكيد عنده التزامات ومشاكل اجتماعية ومعيشية وبيكون عرضة لمحطات استغلال فيها نوع من الحقارة والسفالة أحيانا وبعتذر على هل الوصف بس يلي شفته اليوم بأحد المكاتب العقارية مستحيل ينوصف غير هيك ..
دخلت إحدى الممثلات المعروفة على مستوى الوسط الفني لمكتب عقاري في دمشق بالصدفة كنت متواجد فيه وطلبت من صاحب المكتب تجديد عقد البيت يلي ساكنته فكان رد صاحب المكتب انو صاحب البيت ناهي أجرة البيت بالسنة ٤مليون ومستحيل ينزل بقرش واحد وانو هو حاول كتير معه طبعا جوابها كان انو هاد استغلال و خبرته انو بترجع بتتصل فيه المساء وبتخبره وغادرت المكتب هون نحنا تابعنا حديثنا مع صاحب هل المكتب ليشوف طلبنا فجأة بيستقبل اتصال ونحنا من خلال حديثه اكتشفنا انو صاحب بيت الممثلة يلي مستأجرة بيته وكان عم يحاكيه بصوت منخفض منشان مانكشفه الغريب انو بلش يقله لصاحب البيت ماقلتلك بدها تدفع ٤ارانب غصب عنها وهلأ شوف رح ترجع تتصل المساء وجايبة رعبون تجديد العقد !!! وكمل حديثه بضحك وصهصلة على قولة هدول بيشتغلوا بكار التمثيل والتشخيص وبيقبضوا بالدولار !!! وصار يخبره انو مضطرة تجدد لأنه اولادها بالمدارس ومن هل السوالف والقصص .. طبعا نهينا اجتماعنا ومشينا بس يعني شو هل المنطق يااخي شو اذا فنان ومعه مصاري بنستغله الزلمة وبنخليه عرضة للابتزاز والاستغلال !!! ”
وحصد هذا المنشور الكثير من التفاعل والتعليقات التي استنكرت مثل هذه الأفعال والتصرفات التي لاتمت لأخلاق السوريين بصلة ..
